Bandý spilar brjálað fólk,
bolta neglt í veggi.
Haldið er á skrítnum hólk,
held ég að hann hneggi.

Hér kemur svo fyrripartur sem ykkur er leyft að botna hér á síðunni:

Krissi mikil kylfa er,
Kristján hann þó heitir.  - posted by Hafsteinn ¶ 10:02 e.h.

  Gleðileg jólin englarnir mínir. Ég hlakka svo mikið til að hitta ykkur aftur á nýju ári. Skúli kom með mér heim yfir jólin og við vorum að spá í að kíkja í bílskúrinn og reyna að koma upp smá bandýaðstöðu þar... Það er bara töff;) Vona að þið verðið líka iðin við sveiflurnar á milli þess sem þið étið á ykkur gat.
Ykkar Soffía  - posted by soffia ¶ 2:34 e.h.

  hann mælti: "Og sjá, ég boða yður mikinn fögnuð. Yður er í dag frelsari fæddur sem er barn Ósýnilegu Ímynduðu Kylfunnar í húsi Hildar, en þó er einn galli á gjöf Njarðar. Búdda litli er örvhentur...  - posted by Hildur ¶ 12:54 e.h.

  Ágætu félagar ég vill óska ykkur gleðilegra jóla og farsæt komandi ár fyrir hönd Bandyklúbbsins Barbie og sjálfs míns!

Oggi þjálfi  - posted by Oddgeir ¶ 5:01 e.h.

  Fjármálastjóri Barbie lýsir yfir frati á heimasíðu stúdentaráðs... ætlaði nefninlega að afla mér upplýsinga um hvort við gætum kríað út nokkrar krónur... en nei, þar er "ætlunin að hafa upplýsingar um styrkveitingar" á síðunni, bara ekki núna...  - posted by Hildur ¶ 5:45 e.h.

  Ég er óður og uppvægur, lengi vel hélt ég að bandýklúburinn Barbie samanstæði af fagmönnum, en í dag varð mér ljóst að svo er ekki ! Ég var sá eini sem mætti í tímann í dag, ég verð bara að segja það að ég hef áhyggjur af framtíð liðsins ef fólk sýnir ekki meiri festu en svo að það mæti frekar í próf en bandý !

Yðar hneykslaði Bynni.  - posted by Bynni ¶ 6:22 e.h.

  Hæ hæ, ég veit ekki hvort þið trúið mér, en ég fór útí búð áðan. Dótabúðina í Kringlunni nánar tiltekið og þar er einhver aðdáandi búinn að setja í sölu brúður sem þeir skýra í höfuðið á okkur!!!

Veit nú ekki alveg hvort ég sé sátt við að persóna mín (og náttúrulega ykkar líka, smá) sé notuð af aðdáendum til að afla sér pening. Skil samt vel að fólk vilji gefa börnunum sínum brúðu af mér (og smá ykkur). Ég (ok, við) er náttúrulega alveg frábær fyrirmynd fyrir börn og unglinga. Svona einhver sem þau geta virkilega litið upp til.

Samt spurning um að lögfræðingurinn tékki á því hvort það sé löglegt fyrir aðila utanúr bæ að nota mig (ok, okkur!) svona...???  - posted by Hildur ¶ 5:22 e.h.

  Jæja þá er árinu að ljúka og rétt að huga að stöðu bandýklúbbsins á næsta ári. Ennþá er stefnt að því að hefja yngriflokkastarf í vor og þá er ljóðakvöld á döfinni strax í febrúar. Til fjármögnunar á þessum viðburðum þarf klúbburinn að leggjast í bakstur og halda kökubasar reglulega til að halda sér réttu megin við núllið. Uppskeruhátíð verður ætíð haldin á vori og síðla hausts. Spurningin er hvort voruppskeruhátíðinni verði breytt í árshátíð eða árshátíðin bara haldin aðeins fyrr. Þá er tímabært að lögfræðinemar innan félagsins fari að semja lög bandýklúbbsins. Þá vantar einnig eitthvert skáldið til að semja sönglag klúbbsins. Ekki veit ég hvort búið sé að stofna aðdáendafélag klúbbsins enn en það hlýtur að vera í burðarliðnum. Barbie-poppkorn og Barbie-útvarpsstöðin eru svo hlutir sem fara í gang árið 2005. Þá er einnig orðið tímabært að sækja um styrk til Stúdentaráðs.  - posted by Hafsteinn ¶ 10:05 e.h.

  Undirritaður vill hvetja alla til að mæta í næsta föstudagstíma. Það er síðasti tíminn á árinu og því afar gott tækifæri til að hlaupa af sér spikið fyrir jólin.  - posted by Hafsteinn ¶ 8:32 e.h.

  Já varðandi þennan föstudagstíma þá vann ég körfuboltan á móti Hildi(Jordan), og langaði bara koma því á framfæri!!!

En allir að mæta á mánudaginn, mikið gaman mikið fjör!  - posted by Oddgeir ¶ 5:14 e.h.

  Kæra Soffía.

Mánudagstíminn einkenndist af Soffíuleysi, við reyndum að bæta fyrir það með að fá Haffa í staðinn, en það linaði sársauka okkar ekki nógu mikið.

Annars greiddum við Karl blessaðri konunni fyrir tíman (hljómar illa ;)  - posted by Bynni ¶ 5:50 e.h.

  Föstudagur 12. desember 2003:
Mæting: léleg
Skemmtigildi: gott
Hreyfing: hin fínasta
Fjölbreytni: í fyrirrúmi

eða m.ö.o. Hildur, Haffi, Ella, Oggi, karfa, bandý, karfa, gaman, þreyttur, gaman...  - posted by Hildur ¶ 12:25 e.h.

  *Sniff sniff*. Ég græt yfir að hafa ekki komist í bandý í morgun... mig langar að lemja kennarann fyrir að troða prófi á þennan heilaga tíma... ekkert nema guðlast og hana nú! Annars langaði mömmu gömlu (mig) bara að vita hvernig fjárhagur sambandsins stæði. Borgaði einhver konunni góðu í afgreiðslunni?  - posted by soffia ¶ 7:34 e.h.

  Ek vil Bryngeiri þakka fyr afr skjót viðbrögð við bón vorri um að vera gerðr að administratr á síðu þessari.  - posted by Hafsteinn ¶ 10:44 e.h.

  Ég ber blendnar tilfinningar til þessara nýju meðlima, rétt eins og meðal Frammarinn gerði gagnvart Helga Sigurðssyni þegar hann kom frá Víkingi, en hann stóð sig vel og kannski munu þessir nýju meðlimir einnig gera það ;)

Verið velkomin Haffi og Hildur !  - posted by Bynni ¶ 6:21 e.h.

  krapp! ég ætlaði að vera voða dugleg og setja inn kommenta kerfi, en svo get ég það ekki því ég er bara einhver nobody og lúser án adminréttinda... *grát*  - posted by Hildur ¶ 2:56 e.h.

  Alveg hreint ótrúleg mæting í morgun, -borgar sig greinilega að vera í Barbie ;-)
8 manns mættir þegar tíminn hefst og einn bættist við síðar. Enda fögnum við svona mætingu með því að taka hreinlega tvöfaldan tíma! Við erum hörkutól...

Samt vonandi að það verði færri slasaðir í næsta tíma... nefið á Eika grói um heilt, Ella læknist af hálsbólgunni, Gunni kaupi sér skó, sköflungurinn á mér komist í nothæft ástand og að Kalli hætti að dúndra í okkur!

híhíhí  - posted by Hildur ¶ 2:49 e.h.

  Ömurlegt!!!! Ég er SVO að fara í próf næsta mánudagsmorgun og missi af næsta bandítíma!!!!:'( sniff sniff. Ég ætla samt ekki að sleppa prófinu en hver veit nema ég ákveði að fara snemma úr prófinu til að mæta. Tek Skúla minn allavega með í próf:D Munið eftir 500kjellinum elskurnar mínar... þeir sem borga ekki næst borga bara eftir áramót.   - posted by soffia ¶ 12:35 e.h.

  Hæ, mamma! Ég er á Internetinu! Ég get skrifað á Barbie síðuna! Mamma! MAMMA! SVARAÐU MÉR!  - posted by Hafsteinn ¶ 8:32 e.h.

  Kæru félagar nú eru stórir hlutir að gerast, komið var að máli við mig frá Bandyklubbnum Ken og spurður hvort við værum til í að innlima þau inní vort sterka félag Barbie, og ég tók þá ákvörðun fyrir okkar hönd að gera það hið snarasta!
Þetta er fyrsta skrefið í upprisu þessa stórveldis sem Barbie er og mun verða!

Fyrir hönd okkar býð ég nú fyrrverandi Kenara velkomna! Og meiga þau nú kalla sig Barbie!

Kveðja,
Oggi  - posted by Oddgeir ¶ 6:48 e.h.

  Ég vil byrja á að þakka fólki fyrir að nenna að mæta ; ,,takk fyrir". Svo vil ég árétta að ég á ekki einn heiðurinn af viðurkenningunum, ég hefði líklega ekki getað gert þær án dyggrar aðstoðar Haffa.

Annars forfallaðist ég í síðasta tíma vegna mikillar svefnþarfar er einkennir fyrstu næturnar eftir djamm.

Sjáumst á mánudaginn, með 500 kellur (ah hljómar vel ;)  - posted by Bynni ¶ 6:35 e.h.

  Sæl "öll". Ég vil einnig þakka Bynna fyrir æðislegt partý og snilldar viðurkenningar:D Oggi á auðvitað hrós skilið fyrir hugljúfa tóna og tár í gleðinni. En að alvarlegra efni. Nú er svo komið að við þurfum að blæða fyrir fleirum tímum því við erum komin einn tíma í skuld. Ekki gaman. Hvernig væri að allir kæmu með eins og 500 kjell í næsta tíma?? Það ætti að vera nóg. 10-4  - posted by soffia ¶ 11:27 e.h.

  Þetta var alveg magnað party sem einn félagsmaðurinn hélt fyrir hönd félagsins, og vil ég þakka honum fyrir það frábæra starf sem hann hefur verið að vinna í þágu félagsins.
Eins biðst ég velvirðingar á stuttu stoppi mínu í umræddu partyi, en vona að þið hafið notið leikþáttsins míns, sem ég hafði verið búinn að æfa alveg frá því að ég frétti að ég hafði verið tilnefndur til verðlauna.

Ogginn þakkar fyrir sig.  - posted by Oddgeir ¶ 9:13 f.h.